Author: KSN News Desk

ലോകത്തെ ഏറ്റവും വലിയ ആസ്തി മാനേജ്മെന്റ് കമ്പനിയായ ബ്ലാക്ക്‌റോക്ക് 2024-ൽ ഉപഭോക്താക്കളിൽ നിന്ന് റെക്കോർഡ് 641 ബില്ല്യൺ ഡോളർ സമാഹരിച്ചു. ഇതോടെ കമ്പനി കൈകാര്യം ചെയ്യുന്ന ആസ്തികളുടെ മൊത്തം മൂല്യം 11.6 ട്രില്യൺ ഡോളറായി ഉയർന്നു. കെട്ടുറപ്പുള്ള വരുമാന ഉൽപ്പന്നങ്ങൾ, പണ മാനേജ്മെന്റ് ഓപ്ഷനുകൾ, എക്സ്ചേഞ്ച്-ട്രേഡഡ് ഫണ്ടുകൾ (ETFs) എന്നിവയിലുള്ള നിക്ഷേപകരുടെ ആവശ്യം വർദ്ധിച്ചതാണ് ഈ വളർച്ചയ്ക്ക് പ്രധാന കാരണം. സാമ്പത്തിക മേഖലയിലെ നേട്ടങ്ങൾ തെളിയിക്കാനും, വിപണിയിലെ വെല്ലുവിളികളെ അതിജീവിക്കാനും, ലോകമെമ്പാടുമുള്ള നിക്ഷേപകരുടെ വിശ്വാസം നേടാനുമുള്ള ബ്ലാക്ക്‌റോക്കിന്റെ കഴിവ് ഇതിലൂടെ വ്യക്തമാകുന്നു.

2025 ജനുവരി 20-ന് ഡൊണാൾഡ് ട്രംപ് അമേരിക്കയുടെ 47-ാമത് പ്രസിഡന്റായി ചുമതലയേറ്റു. കടുത്ത തണുപ്പ് കാരണം ചടങ്ങ് അമേരിക്കൻ കോൺഗ്രസ്സിന്റെ ക്യാപിറ്റോൾ റൊട്ടുണ്ടയിൽ വച്ച് നടത്തപ്പെട്ടു. ചീഫ് ജസ്റ്റിസ് ജോൺ റോബർട്ട്‌സ് സത്യപ്രതിജ്ഞ ചൊല്ലിക്കൊടുത്തു. ഇത് ട്രംപിന്റെ രണ്ടാമത്തെ, പക്ഷേ തുടർച്ചയില്ലാത്ത കാലാവധിയാണ്. വൈസ് പ്രസിഡന്റായ ജെഡി വാൻസ് ഈ ചടങ്ങിൽ സത്യപ്രതിജ്ഞ ചെയ്ത് അധികാരമേറ്റു. ഈ ചടങ്ങ് മാർട്ടിൻ ലൂഥർ കിങ് ജൂനിയർ ദിനവുമായി അനുബന്ധിക്കുന്നതുകൊണ്ട് തന്നെ ചരിത്രപരമായ പ്രാധാന്യം വഹിച്ചു. മുൻ പ്രസിഡന്റുമാർ, ടെക്‌നോളജി വ്യവസായത്തിലെ പ്രമുഖർ, വിദേശ രാജ്യങ്ങളിൽ നിന്നുള്ള അതിഥികൾ എന്നിവരും ചടങ്ങിൽ പങ്കെടുത്തു. അധികാരത്തിലേറിയ ശേഷം നടത്തിയ പ്രസംഗത്തിൽ ട്രംപ്, കുടിയേറ്റം, എനർജി ഉൽപാദനം, സാമ്പത്തിക നയങ്ങൾ തുടങ്ങിയ മേഖലകളിൽ വേഗത്തിൽ നടപടികൾ കൈക്കൊള്ളുമെന്ന് ഉറപ്പുനൽകി.

കാനഡയിൽ വിൽക്കപ്പെടുന്ന ചില ബ്രാന്റുകളുടെ മുട്ടകളിൽ “സാൽമോണെല്ല ബാധിതമായിരിക്കാനുള്ള സാധ്യത” ഉണ്ടെന്ന മുന്നറിയിപ്പുമായി കാനഡ ഫുഡ് ഇൻസ്പെക്ഷൻ ഏജൻസി (CFIA). ഇതേ തുടർന്ന്Compliments, Foremost, Golden Valley, IGA, Western Family തുടങ്ങിയ ബ്രാൻഡുകളുടെ മുട്ടകൾ വിപണിയിൽ നിന്ന് പിൻവലിക്കാൻ നിർദേശിച്ചതായി CFIA അറിയിച്ചു. മേല്പറഞ്ഞ ബ്രാന്റുകളുടെ ഉൽപ്പന്നങ്ങൾ ബ്രിട്ടീഷ് കൊളംബിയ, മാനിറ്റോബ, ഒന്റാരിയോ എന്നിവിടങ്ങളിൽ വിതരണം ചെയ്യപ്പെട്ടിട്ടുണ്ട്, എന്നാൽ മറ്റ് പ്രവിശ്യകളിലേക്കും പ്രദേശങ്ങളിലേക്കും വിതരണം ചെയ്യപ്പെട്ടിരിക്കാൻ സാധ്യതയുണ്ടെന്ന് CFIA ശനിയാഴ്ച പുറത്തുവിട്ട റിപ്പോർട്ട് മുന്നറിയിപ്പ് നൽകുന്നു. “സാൽമൊണെല്ല ബാധിച്ച ഭക്ഷണം പഴകിയതോ ദുർഗന്ധമുള്ളതോ ആയി തോന്നണമെന്നില്ല, എന്നാൽ അത് രോഗകാരണമായേക്കാം,” എന്ന് റിപ്പോർട്ടിൽ പറയുന്നു. “കുട്ടികൾ, ഗർഭിണികൾ, പ്രായമായവർ, കൂടാതെ പ്രതിരോധശേഷി കുറവുള്ള ആളുകൾക്കും ഗുരുതരവും ചിലപ്പോൾ ജീവഹാനിക്കോ കാരണമായ അണുബാധ ഉണ്ടായേക്കാം.” CFIA ഒരു ഭക്ഷ്യസുരക്ഷാ അന്വേഷണം നടത്തിവരികയാണ്. സാൽമോണെല്ലാ ബാധിതമായ ഉൽപ്പന്നങ്ങൾ രാജ്യത്തുടനീളം വിപണിയിൽ നിന്ന് നീക്കം ചെയ്യുന്നതിന് ഉദ്യോഗസ്ഥർ പ്രവർത്തിച്ചുകൊണ്ടിരിക്കുന്നു. ചില പരിശോധനഫലങ്ങളെ തുടർന്നാണ് ഉൽപന്നങ്ങൾ…

കാലടി ശ്രീ ശങ്കരാചാര്യ സംസ്‌കൃത സർവകലാശാലയിലെ സൊല്യൂഷൻ ഫോക്കസ്ഡ് വെർച്വൽ ഇന്ക്യൂബെറ്ററിന്റെ നേതൃത്വത്തിൽ സോഷ്യൽ വർക്ക്‌ ഡിപ്പാർട്മെന്റിലെ ഗവേഷക വിദ്യാർഥികൾ പങ്കെടുത്ത നൂതന ക്രിയാത്മക പ്രശ്ന പരിഹാര ആശയത്തിനും പദ്ധതിക്കും ഒന്നാം സ്ഥാനം കരസ്ഥമാക്കി( 35500/- ക്യാഷ് പ്രൈസ് ). ആലുവ അൽ അമീൻ കോളേജ് സംഘടിപ്പിച്ച ‘Hack-Arti-Thon’ എന്ന മത്സരവേദിയിൽ കേരളത്തിലെ വിവിധ ഉന്നത വിദ്യാഭ്യാസ സ്ഥാപനങ്ങളിലെ വിദ്യാർഥികൾ പങ്കെടുത്ത മത്സരത്തിലാണ് ഈ നേട്ടം കരസ്ഥമാക്കിയത്. കേരളസമൂഹം അനുഭവിക്കുന്ന ഏറ്റവും ഗുരുതര പരിസ്ഥിതി പ്രശ്നമായ കക്കൂസ് മാലിന്യ നിർമ്മാർജ്ജനത്തിന് ഏറ്റവും നൂതനവും, ക്രിയാത്മ കവുമായ ആശയത്തിനും പദ്ധതിക്കുമാണ് സമ്മാനം ലഭിച്ചത്. സോഷ്യൽ വർക്കിലെ ഗവേഷകരായ വൈഷ്ണ.യു, ഷൈനി വി. റ്റി , അഞ്ജന റ്റി , അമൃത എം തങ്കൻ എന്നിവരാണ് വിജയികൾ.

2025-ലെ ചാമ്പ്യൻസ് ട്രോഫിക്കായുള്ള ഇന്ത്യൻ ടീമിനെ പ്രഖ്യാപിച്ചു. അവസാനമായി കളിച്ച ഏകദിന മത്സരത്തിലും T20 യിലും ഇന്ത്യക്കായി സെഞ്ച്വറി നേടിയ മലയാളി താരം സഞ്ജു സാംസൺ ടീമിൽ ഇടം നേടിയില്ല. രോഹിത് ശർമ ക്യാപ്റ്റനായ ടീമിൽ ശുഭ്മൻ ഗിൽ ആണ് വൈസ് ക്യാപ്റ്റൻ. വിരാട് കോഹ്‌ലി, ശ്രേയസ് അയ്യർ, കെ.എൽ രാഹുൽ എന്നിവരാണ് മധ്യനിര ബാറ്റ്സ്മാന്മാർ. യശസ്വി ജയ്സ്വാൾ ആദ്യമായി ഏകദിന ടീമിൽ ഇടം നേടി. ജസ്പ്രീത് ബുമ്രയുടെ ഫിറ്റ്നസിൽ ആശങ്കകൾ നിലനിൽക്കുന്നതിനാൽ, അർഷ്ദീപ് സിംഗ്, ഹർഷിത് റാണ എന്നിവരെ ബാക്കപ്പ് ബോളർമാരായി ഉൾപ്പെടുത്തിയിട്ടുണ്ട്. മുഹമ്മദ് ഷമി, കുൽദീപ് യാദവ്, വാഷിങ്ടൺ സുന്ദർ, രവീന്ദ്ര ജഡേജ, ഹാർദിക് പാണ്ഡ്യ എന്നിവരും ടീമിൽ ഉൾപ്പെട്ടിട്ടുണ്ട്. മുഹമ്മദ് സിറാജ് ടീമിൽ ഇടം നേടാതെ പോയതും ശ്രദ്ധേയമാണ്. അതേ സമയം ഇപ്പോൾ നടന്ന് വരുന്ന വിജയ് ഹസാരെ ടൂർണമെന്റിൽ വിദർഭക്കായ് മിന്നുന്ന ഫോം തുടരുന്ന മലയാളി ബാറ്റ്സ്മാൻ കരുൺ നായരെയും ടീമിലേക്ക് പരിഗണിച്ചില്ല. ടീം:രോഹിത് ശർമ്മ…

സഞ്ജു സാംസണെതിരെ രൂക്ഷ വിമർശനവുമായി കെ സി എ അധ്യക്ഷൻ ജയേഷ് ജോർജ്. സഞ്ജുവിനെ വിജയ് ഹസാരെ ട്രോഫിക്കുള്ള കേരള ടീമിൽ ഉൾപ്പെടുത്താതിരുന്നതിനാലാണ്ചാമ്പ്യൻസ് ട്രോഫിക്കുള്ള ഇന്ത്യൻ ടീമിൽ സഞ്ജുവിന് ഇടം ലഭിക്കാതെ പോയതെന്ന ആരോപണം X ൽ പങ്ക് വച്ച് തിരുവനന്തപുരം എം പി ശശി തരൂർ രംഗത്തെത്തിയിരുന്നു. ഈ പശ്ചാത്തലത്തിലാണ് കെസിഎ അധ്യക്ഷന്റെ പ്രതികരണം. വിജയ് ഹസാരെ ട്രോഫിക്ക് മുന്നോടിയായി വയനാട്ടിൽ നടന്ന ക്യാംപിലേക്ക് സഞ്ജുവിനെ ക്ഷണിച്ചിരുന്നെന്നും എന്നാൽ പ്രത്യേക കാരണമൊന്നും ബോധിപ്പിക്കാതെ താനുണ്ടാകില്ല എന്ന് മാത്രമായിരുന്നു താരത്തിന്റെ പ്രതികരണം. സഞ്ജുവിന്റെ തന്നിഷ്ടത്തിനു വന്ന് കളിക്കാവുന്ന ഇടമല്ല കേരള ക്രിക്കറ്റെന്നും ജയേഷ് കൂട്ടിച്ചേർത്തു. സഞ്ജുവിനെതിരെ അച്ചടക്കലംഘന ആരോപണം ഇതാദ്യമായല്ല എന്നും ഇതിന് മുൻപ് കർണാടകയ്ക്ക് എതിരായ രഞ്ജി ട്രോഫി മത്സരശേഷം മെഡിക്കൽ എമർജൻസി എന്ന് പറഞ്ഞ് കൂടുതൽ വിശദീകരണമൊന്നും നൽകാതെ ടീം വിട്ടിരുന്നെന്നും എന്നാൽ അന്ന് കൂടുതൽ അച്ചടക്ക നടപടി എടുക്കാതിരുന്നത് സഞ്ജുവിന്റെ ഭാവിയെ ഓർത്താണെന്നും ജയേഷ് പ്രതികരിച്ചു .

സാമ്പ്രദായിക ചലിച്ചിത്ര വഴികളിൽ നിന്ന് മാറി പരീക്ഷണാത്മക ചിത്രങ്ങൾ സംവിധാനം ചെയ്തു മുഖ്യധാരാ സംവിധായകരുടെ ശ്രേണിയിലേക്കുയർന്ന വിഖ്യാത അമേരിക്കൻ ചലച്ചിത്രകാരൻ ഡേവിഡ് ലിഞ്ച് (78) അന്തരിച്ചു. അദ്ദേഹത്തിന്റെ കുടുംബം ഫേസ്ബുക്ക് കുറിപ്പിലൂടെയാണ് മരണവാർത്ത പുറത്ത് വിട്ടത്. കഴിഞ്ഞ ഓഗസ്റ്റിൽ അദ്ദേഹം എംഫിസെമ ബാധിതനാണെന്ന് സ്ഥിരീകരിച്ചിരുന്നു. കാലിഫോർണിയയിലെ അഗ്നിബാധയെ തുടർന്നു താമസസ്ഥലം ഒഴിയേണ്ടി വന്ന സാഹചര്യം അദ്ദേഹത്തിന്റെ ആരോഗ്യ നിലയെ സാരമായി ബാധിച്ചിരുന്നുവെന്ന് Deadline എന്ന ഓൺലൈൻ മാധ്യമം റിപ്പോർട്ട് ചെയ്യുന്നു. അമേരിക്കൻ ചലച്ചിത്ര രംഗത്ത് തന്റേതായ മുദ്ര പതിപ്പിച്ച അതുല്യ കലാകാരനായിരുന്നു ലിഞ്ച്. വിദ്യാർഥിയായിരിക്കെ ഷോർട് ഫിലിമുകളിലൂടെ ചലച്ചിത്ര രംഗത്തേക്ക് വന്ന ലിഞ്ചിന്റെ ആദ്യ വിജയചിത്രമായിരുന്നു Eraserhead. തുടർന്ന് നിരവധി അവാർഡുകൾക്ക് അർഹമായ Blue Velvet, Wild at Heart, Mulholland Drive എന്നീ ചിത്രങ്ങളും പ്രശസ്തമായ Twin Peaks എന്ന ടെലിവിഷൻ ഷോയും അദ്ദേഹം സംവിധാനം ചെയ്തു. Blue Velvet, The Elephant Man, Mulholland Drive എന്നീ ചിത്രങ്ങൾക്ക്…

മാർപാപ്പയുടെ ആരോഗ്യനിലയെ സംബന്ധിച്ച അഭ്യൂഹങ്ങൾ നിലനിൽക്കേ വ്യാഴാഴ്ച സംഭവിച്ച വീഴ്ചയിൽ അദ്ദേഹത്തിന് വലത് കൈക്ക് പരിക്കേറ്റതായി വത്തിക്കാൻ സ്ഥിരീകരിച്ചതായി Associated Press റിപ്പോർട്ട് ചെയ്യുന്നു. ഏതാനും ആഴ്ചകൾക്ക് മുൻപ് നൈറ്റ് സ്റ്റാൻഡിൽ താടിയിടിച്ച് അദ്ദേഹത്തിന് പരിക്കേറ്റിരുന്നു. പൊട്ടലേറ്റിട്ടില്ലെങ്കിലും മുൻകരുതലായി സ്ലിങ് ധരിച്ചതായി വത്തിക്കാൻ വക്താവ് അറിയിച്ചു. ബ്രോങ്കൈറ്റിസ് സംബന്ധമായ ആരോഗ്യ പ്രശ്നങ്ങളും, കടുത്ത മുട്ടുവേദനയും അഭിമുഖീകരിച്ച് വരവെയാണ് തുടർച്ചയായ വീഴ്ചകളും88 കാരനായ ഫ്രാൻസിസ് പാപ്പയെ അലട്ടുന്നത്.

മാസങ്ങളായുള്ള കാത്തിരിപ്പിനുശേഷം, ബാങ്ക് ഓഫ് കാനഡയുടെ മുൻ ഗവർണർ മാർക് കാർണി ലിബറൽ പാർട്ടി നേതൃസ്ഥാനത്തേക്ക് വ്യാഴാഴ്ച ഔദ്യോഗികമായി തന്റെ പ്രചാരണാരംഭം നടത്തി. 59 വയസ്സുള്ള കാർണി തന്റെ കുട്ടിക്കാലത്ത് കനേഡിയൻ പ്രയീരികളിൽ ജീവിച്ചിരുന്ന സമയത്ത് സ്കേറ്റിങ് പഠിച്ച എഡ്മൺട്ടണിന് സമീപമുള്ള ഒരു ഹോക്കി റിങ്കിൽ നിന്ന് തന്റെ പ്രചാരണത്തിന്റെ തുടക്കം കുറിച്ചു. “കാനഡ ലോകത്തിലെ ഏറ്റവും മികച്ച രാജ്യം തന്നെയാണ്, എന്നാൽ അതിനെ കൂടുതല്‍ മികച്ചതാക്കാന്‍ ഞങ്ങൾക്കാകും,” കാർണി ആവേശഭരിതരായ പിന്തുണക്കാർക്ക് മുന്നിൽ പറഞ്ഞു. ഹാർവാർഡ് സർവകലാശാലയിൽ നിന്നും വിദ്യാഭ്യാസം നേടിയ കാർണി, അനിശ്ചിതത്വം നിറഞ്ഞ സാമ്പത്തിക കാലഘട്ടത്തിലൂടെ കാനഡയെ നയിക്കാൻ തനിക്കുള്ള കഴിവുകളും പരിചയസമ്പത്തും നിർണായകമാണെന്ന് അടിവരയിട്ടു. ട്രംപ് പ്രസിഡന്റിന്റെ ചുമതലകൾ ഏറ്റെടുക്കുന്നതും, കനേഡിയൻ ഇറക്കുമതികളിൽ കനത്ത നികുതികളുടെ ഭീഷണിയും നേരിടുന്നതിനുള്ള ഒരുക്കത്തിൽ, കാർണിയുടെ പ്രധാന മന്ത്രി പദത്തിലേക്കുള്ള യാത്ര വളരെ പ്രാധന്യത്തിലൂടെ ആണ് ലോകം വീക്ഷിക്കുന്നത്.

ജനുവരി 22, 2025-ന് നടന്ന പൊതുകൂട്ടത്തിൽ, പാപ്പാ ഫ്രാൻസിസ് “യേശുക്രിസ്തു നമ്മുടെ പ്രത്യാശ” എന്ന ജുബിലി കാറ്റെകിസിസിന്റെ ഭാഗമായി ദൈവത്തിലുള്ള വിശ്വാസം ഭയം നീക്കുമെന്ന് കുറിച്ചു. ലൂക്കയുടെ സുവിശേഷത്തിൽ നിന്ന് മാതാവായ മറിയത്തോട് ഗബ്രിയേൽ ദൂതൻ പറഞ്ഞ “ഭയപ്പെടേണ്ടതില്ല” എന്ന വാക്കുകൾ പാപ്പാ ഊന്നിപ്പറഞ്ഞു. ദൈവവചനത്തോട് അടുക്കാനും അവൻ എപ്പോഴും കൂടെയുണ്ടെന്ന് മനസ്സിലാക്കാനും ശ്രമിക്കുമ്പോൾ, ഭയങ്ങൾ കടന്നുപോകാൻ ദൈവം അനുഗ്രഹം നല്കുമെന്ന് പാപ്പാ വിശ്വാസികളെ പ്രോത്സാഹിപ്പിച്ചു.