“സ്വപ്നങ്ങള് – സ്വപ്നങ്ങളേ നിങ്ങള് സ്വര്ഗ്ഗകുമാരികളല്ലോ
നിങ്ങളീ ഭൂമിയില് ഇല്ലായിരുന്നെങ്കില് നിശ്ചലം ശൂന്യമീ ലോകം…”
കാവ്യമേള എന്ന സിനിമയിലെ വയലാർ എഴുതിയ ഈ വരികൾ നമുക്കെല്ലാം സുപരിചിതം.
“നിങ്ങളുടെ സ്വപ്നം എന്താണ്?” കൗമാരപ്രായത്തിലുള്ള അനന്തരവനോട് തിരക്കിയപ്പോൾ കിട്ടിയ മറുപടി “ഡോക്ടറാകണം.”
“നിങ്ങളുടെ ലക്ഷ്യം എന്താണ്?” അതിനും കിട്ടി മറുപടി “ഡോക്ടറാകണം.”
“നിങ്ങളുടെ ഉദ്ദേശ്യം എന്താണ്?” അതിനും കിട്ടി മറുപടി “ഡോക്ടറാകണം.”
ചിലരുടെ മറുപടി ഡോക്ടർ എന്നതിനു പകരം എഞ്ചിനീയർ എന്നായിരുന്നു മറുപടി. അപ്പോൾ ഓർത്തു, നമ്മുടെ ബാല്യകാലത്ത് ഭാവിയെക്കുറിച്ച് ആലോചിക്കാനും, അതിന് ഒരു പദ്ധതി തയ്യാറാക്കാനും നമ്മൾ ശ്രമിച്ചിരുന്നില്ല. എന്നാൽ ഇന്നത്തെ തലമുറയ്ക്ക് അവരുടെ ഭാവിയെ കുറിച്ച് കുറേ കാര്യങ്ങളെങ്കിലും ചിന്തിക്കാനുണ്ട്, അവ പലപ്പോഴും ഡോക്ടർ അല്ലെങ്കിൽ എഞ്ചിനീയർ എന്നതിലേക്ക് പരിമിതപ്പെടുന്നുവെങ്കിലും -പ്രധാനമായും മാതാപിതാക്കളുടെ സമ്മർദ്ദം കാരണം.
സ്വപ്നങ്ങളെ ഒരു ആശയം അല്ലെങ്കിൽ പ്രതീക്ഷ എന്ന നിലയിൽ വ്യാഖ്യാനിക്കാം. അവ ഇന്നത്തെ യാഥാർത്ഥ്യത്തിൽ വളരെ ദുഷ്കരമോ അസാധ്യമായോ തോന്നുന്ന ഒരു കാഴ്ചപ്പാട് ആയിരിക്കാം. എന്നാൽ, അതിന്റെ അർത്ഥം ആ സ്വപ്നങ്ങൾ ഒരിക്കലും യാഥാർത്ഥ്യമായിട്ടില്ല എന്നല്ല.
സ്വപ്നങ്ങൾ അതിരുകളില്ലാത്തവയും, കാലാതീതവുമാണ്. അതിന്റെ രൂപം സ്വപ്നം കാണുന്ന വ്യക്തിയുടെ സർഗ്ഗശക്തിയെ ആശ്രയിച്ചിരിക്കും. നിങ്ങളുടെ സ്വപ്നങ്ങൾ അനന്തതയിലേക്ക് ഒഴുകട്ടെ, അവ പുതിയ ആശയങ്ങളും ദർശനങ്ങളും മുളപ്പിക്കും. ഞാൻ നിങ്ങളുടെ സ്വപ്നങ്ങളെ പരിമിതപ്പെടുത്താൻ ആഗ്രഹിക്കുന്നില്ല,.
ഒരു വിദ്യാർത്ഥി കാൻസറിന് പ്രതിവിധി കണ്ടെത്താനുള്ള സ്വപ്നം കാണുന്നതായി സങ്കൽപ്പിക്കുക. ക്യാൻസർ രോഗികളുടെ ദുരിതങ്ങൾ വായിക്കുമ്പോഴോ, അതിന്റെ കൂടിയൊരാളായി, നമ്മിലൊരാളെങ്കിലും ഇതുപോലൊരു ഈ സ്വപ്നം കണ്ടിട്ടുണ്ടാകും.
കാൻസറിന് ഒരു ചികിത്സ കണ്ടെത്താൻ, സാധാരണയായി മെഡിക്കൽ പഠനം പിന്തുടരേണ്ടതായിരിക്കും. എന്നിരുന്നാലും, ചില സാഹചര്യങ്ങളിൽ, കണ്ടുപിടത്തവുമായി നേരിട്ട് ബന്ധമില്ലാത്ത ചിലർ വലിയ കണ്ടെത്തലുകൾ നടത്തിയിട്ടുമുണ്ട്.
നിങ്ങളുടെ സ്വപ്നങ്ങളിൽ നിന്ന് കൈവരിക്കാവുന്ന ഒരു ലക്ഷ്യം രൂപം കൊള്ളും. ഈ സന്ദർഭത്തിൽ, ലക്ഷ്യം വിജയകരമായൊരു മെഡിക്കൽ ബിരുദം നേടുന്നതായിരിക്കും. അതിന് ആവശ്യമായത്, സ്കൂളിൽ മികച്ച മാർക്കു നേടുകയും ആവശ്യമായ പ്രവേശന പരീക്ഷകളിൽ വിജയം നേടുകയും ചെയ്യുക എന്നതായിരിക്കണം ഉദ്ദേശം.
നിങ്ങളുടെ ലക്ഷ്യത്തിലേക്കു എത്തുന്നതിനായി നിങ്ങളുടെ പൂർണ്ണ സമർപ്പണം അത്യാവശ്യമാണ്. അത് ഒരു ഫുട്ബോൾ മത്സരം പോലെയാണ് – വിജയിക്കാൻ നിങ്ങൾ ഗോൾ അടിക്കണം.
ലക്ഷ്യങ്ങളും ഉദ്ദേശങ്ങളും അവയിലേക്ക് നയിക്കുന്ന മാർഗ്ഗങ്ങളും സമയം സമയമായി വിലയിരുത്തേണ്ടതുണ്ട് – ആഴ്ചവരി, മാസവരി, ത്രൈമാസം, അർദ്ധവാർഷികം എന്നിങ്ങനെ. ചിലപ്പോൾ നിങ്ങൾക്ക് നിങ്ങളുടെ ലക്ഷ്യങ്ങൾ മാറ്റേണ്ടി വരാം, ഉയർത്തേണ്ടി വരാം, അതുമല്ലെങ്കിൽ ഉപേക്ഷിച്ചേക്കാം. ചിലപ്പോൾ നിങ്ങൾ ലക്ഷ്യങ്ങൾക്കായി പ്രയത്നിച്ചാലും അതു നിങ്ങളുടെ മനസ്സിൽ വെല്ലുവിളികൾ ഉയർത്തുന്നില്ലെങ്കിൽ, അതിനുള്ള താൽപര്യം നഷ്ടപ്പെടും.
ചിലപ്പോൾ നിങ്ങൾ ഒരു ലക്ഷ്യം തിരഞ്ഞെടുത്താലും, അതിനായി ഉദ്ദേശിച്ചിട്ടുള്ള മാർഗ്ഗങ്ങൾ അത്ര ആകർഷകമല്ല എന്ന് തോന്നും. അപ്പോൾ നിങ്ങൾക്ക് ആ ലക്ഷ്യത്തേക്കായി ശ്രമിക്കുന്നത് വെറുമൊരു പ്രതീക്ഷയാണ്, എന്നാൽ നിങ്ങൾ ആഗ്രഹിക്കുന്നതോ അതല്ല. പൊതുവെ ഇതിനു കാരണമാകുന്നത് മാതാപിതാക്കളുടെ സമ്മർദ്ദങ്ങളോ സമൂഹത്തിന്റെ കാഴ്ചപ്പാടുകളോ ആയിരിക്കാം – “ഡോക്ടറോ എൻജിനീയറോ ആയിരിക്കണം, അതിനു കുറവൊന്നുമില്ല.”
നിങ്ങളുടെ ലക്ഷ്യങ്ങൾ കൂടുതൽ ആവേശകരവും വെല്ലുവിളി പൂർണ്ണവുമാക്കാൻ, നിങ്ങൾക്ക് ഭയമുണർത്തുന്നതും അത്രക്ക് അസാധ്യമായ ഒരു വലിയ ലക്ഷ്യം നിശ്ചയിക്കുക. എന്നാൽ, അതിന് നിങ്ങളുടെ ജീവിതം മാറ്റിമറിക്കുവാനുള്ള സാധ്യതയുണ്ടായിരിക്കണം. അതിനായി, ചെറുതായെങ്കിലും ഓരോ ഘട്ടത്തിലും അതിന്റെ തലം ഉയർത്തുക. ഒടുവിൽ നിങ്ങൾക്കു അപ്രാപ്യം എന്നു തോന്നിയ അതിരുകൾ ഭേദിച്ച് വിജയിക്കാം.
നിങ്ങളുടെ ലക്ഷ്യങ്ങൾ നിർണ്ണയിച്ചതിന് ശേഷം, അവ ചെറുതായ സമയബദ്ധവുമായ ഉദ്ദേശങ്ങളായി വിഭജിക്കുക. ആഴ്ച/ദിവസ വേളയിൽ അവ വിലയിരുത്തുക. ഈ ഉദ്ദേശങ്ങൾക്കു മുൻഗണന നൽകുകയും വേണം. അതിന്റെ അർത്ഥം, നിങ്ങൾ മറ്റു പ്രവർത്തനങ്ങളിൽ ഏർപ്പെടരുത് എന്നല്ല. “All work and no play makes Jack a dull boy” എന്നത് സത്യമാണ്.
നിങ്ങൾക്കു നിങ്ങളുടെ ലക്ഷ്യങ്ങൾ കൈവരിക്കാമെന്ന ആത്മവിശ്വാസം ഉണ്ടാവണം, പ്രത്യേകിച്ച് പ്രതിസന്ധി നേരിടുമ്പോൾ. സൈനിക അക്കാദമിയിൽ പരിശീലനം നടക്കുമ്പോൾ, ഞാൻ ഇങ്ങനെ മനസ്സിൽ പറഞ്ഞു ആത്മവിശ്വാസം നേടുമായിരുന്നു – “എനിക്ക് മുമ്പ് പതിനയ്യായിരം ഓഫീസർമാർ ഈ കഠിനമായ പരിശീലനം വിജയകരമായി പൂർത്തിയാക്കിയിട്ടുണ്ട്, എനിക്കും അതു സാധിക്കും.”
ഇവിടെ 540ആം തിരുക്കുറൽ അർത്ഥവത്താണ്:-
உள்ளியது எய்தல் எளிதுமன் மற்றுந்தான்; உள்ளியது உள்ளப் பெறின்.
(ഉള്ളിയത് എയ്താൽ എളിതുമൻ മറ്രുൻതാൻ; ഉള്ളിയത് ഉള്ളപ് പെറിൻ)
ലക്ഷ്യം ഉറപ്പാക്കിയാൽ അതിലെത്താൻ നിഷ്പ്രയാസം, മനസ്സ് അതിലേയ്ക്ക് മു ഴുവനായി അർപ്പിക്കാമെങ്കിൽ.
അമേരിക്കയിലെ ഞങ്ങളുടെ അനന്തരവൻ കെവിൻ, ഹൈസ്കൂളിൽ പ്രീ-മെഡിക്കൽ കോഴ്സ് എടുത്തു. ആ പ്രായത്തിൽ ഭൂരിഭാഗം കുട്ടികൾക്കു തങ്ങളുടെ കഴിവുകളെക്കുറിച്ചോ ആഗ്രഹങ്ങളെക്കുറിച്ചോ വ്യക്തതയില്ല. എന്നാൽ, കെവിൻ 12-ാം ക്ലാസിൽ തന്റെ ആഗ്രഹങ്ങൾ തുറന്നു പറഞ്ഞു – അവൻ മെഡിക്കൽ ഫീൽഡിൽ അല്ല, അനിമേഷൻ, ഗ്രാഫിക് ഡിസൈനിംഗ് എന്നിവയിലേക്കാണ് പോകേണ്ടത്. മാതാപിതാക്കൾ അംഗീകരിച്ചു. അതിനായി ആകർഷകമായ ഒരു സർവകലാശാലയിലേക്കുള്ള പ്രവേശന നടപടികൾ ആരംഭിച്ചു.
ഹൈസ്കൂൾ ഗ്രാജുവേഷൻ ചടങ്ങിൽ, മാതാപിതാക്കൾക്ക് മറ്റൊരു അപ്രതീക്ഷിത സന്തോഷം – കെവിൻ അനിമേഷൻ & ഗ്രാഫിക് ഡിസൈനിങ്ങിൽ മികച്ച വിദ്യാർത്ഥിയെന്ന ബഹുമതി നേടി. പിന്നീട്, കെവിൻ Savannah College of Art and Design, Atlanta-യിൽ നിന്നും കമ്പ്യൂട്ടർ അനിമേഷനിൽ ബിരുദം നേടി, ഇപ്പോൾ ഒരു പ്രമുഖ ഗെയിമിംഗ് കമ്പനിയിൽ ഗെയിം ഡിസൈനറായി ജോലി ചെയ്യുന്നു.
സ്വപ്നം കാണൂ, നിങ്ങളുടെ ലക്ഷ്യം നിർണ്ണയിക്കൂ, നിങ്ങളുടെ ലക്ഷ്യസാധ്യമായ മാർഗ്ഗങ്ങൾ നിർവചിക്കൂ, അവ നേടൂ. വിജയവും സന്തോഷവും നിങ്ങളുടെ കൈവെള്ളയിൽ വരും!
उद्यमेन हि सिध्यन्ति कार्याणि न मनोरथैः।
न हि सुप्तस्य सिंहस्य प्रविशन्ति मुखे मृगाः॥
(ഉദ്യമേന ഹി സിദ്ധ്യന്തി കാര്യാണി ന മനോരധൈ
ന ഹി സുപ്തസ്യ സിംഹസ്യ പ്രവിശന്തി മുഖേ മൃഗാ)
വിജയം കരഗതമാവുന്നത് ശ്രമത്തിലൂടെയാണ്, ആഗ്രഹങ്ങൾ മാത്രം കൊണ്ടല്ല. ഉറങ്ങുന്ന സിംഹത്തിന്റെ വായിൽ മൃഗങ്ങൾ സ്വയം കടന്ന് ചെല്ലാത്തതുപോലെ, പരിശ്രമിക്കാതെ വെറും സ്വപ്നം കാണുന്നവർക്കു വിജയം കൈവരിക്കാനാകില്ല.
