Aliexpress.ca യിൽ ലഭ്യമായ കുട്ടികൾക്കുള്ള ചില self-feeding ഉപകരണങ്ങളെ സംബന്ധിച്ച് ഹെൽത്ത് കാനഡയുടെ മുന്നറിയിപ്പ്. ചൈനയിൽ നിർമ്മിച്ച ഈ ഉൽപ്പന്നങ്ങൾ ഗുരുതരമായ ആരോഗ്യ/സുരക്ഷാ പ്രശ്നങ്ങൾ ഉണ്ടാക്കുമെന്ന് മുന്നറിയിപ്പിൽ വ്യക്തമാക്കുന്നു.
ആരോഗ്യത്തിന് ഹാനികരമായേക്കാമെന്ന് ഹെൽത്ത് കാനഡ മുന്നറിയിപ്പ് നൽകുന്ന ഉൽപ്പന്നങ്ങൾ താഴെപ്പറയുന്നതാണ്:
⁃ 300ml Baby Bottle Kids Cup Silicone Sippy Children Training Cute Baby Drinking Water Straw Feeding Bottle Hands-free Bottle.
⁃ 330ml Baby Cups Can Be Rotated Magic Cup Kids Leak-proof Drinking Water Bottle Hand Free Cup BPA Free
⁃ Baby Feeding Bottle Long Straw Hands-free Bottle Nipple Multifunctional Baby Bottle Kids Cup Silicone Sippy Mouth NO BPA
⁃ Erduo Newborn Baby Water Feeding Bottles Gourdes Drinking Bottle Children with Straw Hands-Free Silicone Baby Item Newborn Set
സുരക്ഷാ പ്രശ്നങ്ങൾ
മേല്പറഞ്ഞ self feeding ഉപകരണങ്ങൾ ഗുരുതരമായ ചോക്കിംഗ് (ശ്വാസം മുട്ട് ) അല്ലെങ്കിൽ ആസ്പിരേഷൻ മൂലമുള്ള അപകടങ്ങൾ ഉണ്ടാക്കുവാൻ സാധ്യതയുള്ളവയാണ്. ഹെൽത്ത് കാനഡയുടെ മുന്നറിയിപ്പ് അനുസരിച്ച്, ഇത്തരം അപകടങ്ങൾ കുഞ്ഞുങ്ങളുടെ ജീവന് ഭീഷണിയാകാവുന്ന ആരോഗ്യ പ്രശ്നങ്ങളിലേക്കും മറ്റു ദാരുണമായ സാഹചര്യങ്ങളിലേക്കും നയിച്ചേക്കാം.
ഹെൽത്ത് കാനഡയുടെ ശുപാർശകൾ
• ഉപഭോക്താക്കൾ ഈ ഉൽപ്പന്നങ്ങൾ ഉടൻ ഉപയോഗിക്കുന്നത് നിർത്തണം.
• സുരക്ഷ സംബന്ധിച്ച മുന്നറിയിപ്പിൽ പറയുന്ന ഉൽപ്പന്നങ്ങൾ ശരിയായ രീതിയിൽ നശിപ്പിക്കണം.
• ഉൽപ്പന്നങ്ങളുടെ സുരക്ഷയെ കുറിച്ച് ജാഗ്രത പാലിക്കണം.
ഈ പ്രത്യേക ഉൽപ്പന്നങ്ങളുമായി ബന്ധപ്പെട്ട് ഇതുവരെ അപകടമൊന്നും തന്നെ റിപ്പോർട്ട് ചെയ്യപ്പെട്ടിട്ടില്ലെങ്കിലും, കുഞ്ഞുങ്ങളുടെ ഉൽപ്പന്നങ്ങളുടെ സുരക്ഷയെ കുറിച്ച് ഗൗരവമായി സമീപിക്കേണ്ടതുണ്ടെന്ന് മുന്നറിയിപ്പിൽ ചൂണ്ടിക്കാണിക്കുന്നു. ചോക്കിംഗ് (ശ്വാസം മുട്ട് ) കാനഡയിൽ ശിശുമരണങ്ങളുമായി ബന്ധപ്പെട്ട പ്രധാന കാരണങ്ങളിൽ ഒന്നാണ്.
മുൻകരുതലുകൾ
aliexpress.ca യിൽ നിന്ന് ഈ ഉൽപ്പന്നങ്ങൾ ഇതിനകം നീക്കം ചെയ്തിട്ടുണ്ട്. കൂടാതെ, ഈ അപകടകരമായ സെൽഫ്-ഫീഡിംഗ് ഉപകരണങ്ങളുടെ വിതരണം തടയാൻ അന്താരാഷ്ട്ര തേർഡ് പാർട്ടി സെല്ലർമാരുമായി സഹകരിച്ച് കനേഡിയൻ ഉദ്യോഗസ്ഥർ പ്രവർത്തിച്ചു വരുന്നു.
