Author: KSN News Desk

സറി, ബ്രിട്ടീഷ് കൊളംബിയ: രണ്ടു വർഷം മുൻപ് നടന്ന സറി ബസ് ആക്രമണത്തിന്റെ സുരക്ഷാ ദൃശ്യങ്ങൾ ഗ്ലോബൽ ന്യൂസ് പുറത്തുവിട്ടു. ഈ ദൃശ്യങ്ങൾ ബി.സി. സുപ്രീം കോടതി വിചാരണയിൽ തെളിവായി സമർപ്പിച്ചതും, അതിന്റെ അടിസ്ഥാനത്തിൽ പ്രതിക്കെതിരെ ഭീകരവാദ കുറ്റക്കേസിൽ ശിക്ഷ വിധിക്കപ്പെട്ടതുമാണ്. 2023 ഏപ്രിൽ 1-ന്, അബ്ദുൽ അസീസ് കവാം (30), ഫ്രേസർ ഹൈവേയും 156-ാം സ്ട്രീറ്റും സമീപമുള്ള ബസ് സ്റ്റോപ്പിൽ ഒരാളെ കത്തി കൊണ്ട് ആക്രമിച്ചു. തുടർന്ന് ഒരു ബസിൽ കയറുകയും, മറ്റൊരു യാത്രക്കാരന്റെ കഴുത്തിൽ വെട്ടുകയും ചെയ്തു. ഭാഗ്യവശാൽ ഇരുവരും ജീവൻ രക്ഷിച്ചു. സുരക്ഷാ ദൃശ്യങ്ങളിൽ കവാം ബസിൽ കയറുന്നത്, കുറച്ച് സെക്കൻഡുകൾക്ക് ശേഷം അദ്ദേഹത്തിന്റെ ഇരയും കയറുന്നത് കാണാം. മൂന്നു മിനിറ്റ് ശാന്തമായി യാത്ര ചെയ്ത ശേഷം കവാം പെട്ടെന്ന് തന്നെ കത്തി പുറത്തെടുത്തു, ഇരയുടെ കഴുത്തിൽ ആക്രമിച്ചു. പ്രോസിക്യൂട്ടർമാർ കോടതിയിൽ ചൂണ്ടിക്കാട്ടിയത്, ഇര വലിയ പരിശ്രമം കൊണ്ടാണ് കവാമിനെ ബസിൽ നിന്ന് പുറത്താക്കാൻ കഴിഞ്ഞത്. കത്തി…

മുംബൈ: വ്യവസായി അനിൽ അംബാനിക്കും (ബില്യനയർ മുഖേഷ് അംബാനിയുടെ സഹോദരൻ) അദ്ദേഹത്തിന്റെ കമ്പനി റിലയൻസ് കമ്മ്യൂണിക്കേഷൻസ് ലിമിറ്റഡിനും എതിരെ ഇന്ത്യയുടെ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (CBI) ക്രിമിനൽ കേസ് രജിസ്റ്റർ ചെയ്തു. ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (SBI) നൽകിയ പരാതിയിലാണ് നടപടി. SBI ആരോപിക്കുന്നത് അനിൽ അംബാനി കമ്പനിയുമൊത്ത് ബാങ്കിൽ നിന്ന് എടുത്ത പണം അംഗീകരിച്ച പദ്ധതികൾക്ക് ഉപയോഗിക്കാതെ, ദുരുപയോഗം ചെയ്തത് വഴി വഞ്ചിച്ചു എന്നാണ്. ഇതിലൂടെ ബാങ്കിന് 30 ബില്യൺ രൂപ (ഏകദേശം 344 മില്യൺ യുഎസ് ഡോളർ) നഷ്ടം സംഭവിച്ചതായി ബാങ്ക് ആരോപിച്ചു. CBIയുടെ പ്രസ്താവന പ്രകാരം, മുംബൈയിലെ അനിൽ അംബാനിയുടെ വസതിയിലും റിലയൻസ് കമ്മ്യൂണിക്കേഷൻസ് ഓഫീസുകളിലും പരിശോധന നടത്തി. അന്വേഷണത്തിന്റെ ഭാഗമായി കൂടുതൽ തെളിവുകൾ ശേഖരിക്കുകയാണെന്ന് ഏജൻസി പത്ര സമ്മേളനത്തിൽ അറിയിച്ചു.

ഓട്ടവ: കാനഡയും അമേരിക്കയും തമ്മിലുള്ള വ്യാപാര സംഘർഷത്തിൽ തന്ത്രങ്ങൾ മാറ്റാനുള്ള സമയമാണിതെന്ന് കാനഡയുടെ പ്രധാനമന്ത്രി മാർക്ക് കാർനി. അമേരിക്കയുമായി ‘സ്റ്റിക്ക്‌ഹാൻഡിൽ’ ചെയ്യേണ്ട സമയമാണിതെന്ന് അദ്ദേഹം പറഞ്ഞു, ഇതിന്റെ ഭാഗമായി കാനഡ-അമേരിക്ക-മെക്സിക്കോ കരാർ (CUSMA) പ്രകാരം വരുന്ന യു.എസ്. ഉൽപ്പന്നങ്ങളിൽ നിന്ന് പ്രതികാര നികുതികൾ (retaliatory tariffs) പിൻവലിക്കുമെന്ന് അദ്ദേഹം അറിയിച്ചു. എന്നാൽ, സ്റ്റീൽ, അലുമിനിയം, ഓട്ടോമൊബൈൽ എന്നിവയ്ക്കുള്ള നികുതികൾ തുടരുമെന്നും അദ്ദേഹം വ്യക്തമാക്കി. എന്താണ് Stickhandle? പ്രധാനമന്ത്രി മാർക്ക് കാർനിയുടെ പ്രസ്താവനയിൽ ഉപയോഗിച്ച “stickhandle” എന്നത് ഹോക്കിയിൽ നിന്ന് ഉരുത്തിരിഞ്ഞു വന്ന ഒരു രൂപകപദമാണ്. ഹോക്കിയിൽ “stickhandle” എന്നാൽ കളിക്കാരൻ തന്റെ സ്റ്റിക്ക് ഉപയോഗിച്ച് പന്ത് (പക്ക്) തന്റെ നിയന്ത്രണത്തിൽ വച്ച് എതിരാളികളെ കബളിപ്പിച്ച് മുന്നോട്ട് നീങ്ങുന്നതിനെ സൂചിപ്പിക്കുന്നു. ഇത് വൈദഗ്ധ്യവും തന്ത്രവും ആവശ്യമുള്ള ഒരു പ്രവർത്തിയാണ്.രാഷ്ട്രീയമോ വ്യാപാരമോ പോലുള്ള സന്ദർഭങ്ങളിൽ “സ്റ്റിക്ക്‌ഹാൻഡിൽ” എന്നത് ഒരു സങ്കീർണ്ണമായ സാഹചര്യത്തെ സമർത്ഥമായി, തന്ത്രപരമായി കൈകാര്യം ചെയ്യുന്നതിനെ സൂചിപ്പിക്കുന്നു. ഇവിടെ, മാർക്ക് കാർനി ഈ…

90-ലധികം രാജ്യങ്ങളിൽ പുതിയ തീരുവകൾ ഏർപ്പെടുത്തിയതോടെ, പ്രസിഡന്റ് ഡോണൽഡ് ട്രംപിന്റെ എയകപക്ഷീയവ്യാപാര നയങ്ങൾ, സാമ്പത്തിക വിദഗ്ധർ, അന്താരാഷ്ട്ര സഖ്യകക്ഷികൾ, ആഭ്യന്തര താൽപ്പര്യക്കാർ എന്നിവരിൽ നിന്ന് കടുത്ത വിമർശനം നേരിടുന്നു. ഇത് ആഗോള വ്യാപാര യുദ്ധഭീഷണി ശക്തമാക്കുന്നു. ഇന്ത്യ, യൂറോപ്യൻ യൂണിയൻ തുടങ്ങിയ രാജ്യങ്ങളിൽ നിന്നുള്ള ഇറക്കുമതികൾക്ക് ഏർപ്പെടുത്തിയ പുതിയ തീരുവകൾ, വ്യാപാര അസന്തുലിതാവസ്ഥ പരിഹരിക്കാനും യു.എസ്. വ്യവസായങ്ങളെ സംരക്ഷിക്കാനും ലക്ഷ്യമിട്ടുള്ളതും, “അമേരിക്കയെ വീണ്ടും മഹത്തരമാക്കുക” എന്ന ലക്ഷ്യത്തിന് ഈ നടപടികൾ അനിവാര്യമാണെന്നുമാണ് ട്രംപ് വാദിക്കുന്നത്. ഇത് ആഭ്യന്തര ഉൽപ്പാദനത്തെ പ്രോത്സാഹിപ്പിക്കുകയും വിദേശ ഉൽപ്പന്നങ്ങളെ ആശ്രയിക്കുന്നത് കുറയ്ക്കുകയും ചെയ്യുമെന്നാണ് അദ്ദേഹത്തിന്റെ നിലപാട്. എന്നാൽ, ഈ നയങ്ങൾ പരമ്പരാഗത നയതന്ത്രത്തിന് പകരം സാമ്പത്തിക സമ്മർദ്ദം ചെലുത്തുന്നതാണെന്നും, യു.എസ്. ഉപഭോക്താക്കൾക്കും കയറ്റുമതിക്കാർക്കും ദോഷം വരുത്തുമെന്നും വിമർശകർ ചൂണ്ടിക്കാട്ടുന്നു. ഈ തീരുവകൾ യു.എസ്. കുടുംബങ്ങൾക്ക് ശരാശരി 1,300 ഡോളറിന്റെ നികുതി വർദ്ധനവിന് തുല്യമാകുമെന്നാണ് സാമ്പത്തിക വിദഗ്ധർ മുന്നറിയിപ്പ് നൽകുന്നത് (https://taxfoundation.org/research/all/federal/trump-tariffs-trade-war/). ഇത് പണപ്പെരുപ്പവും വിതരണ ശൃംഖലയിലെ തടസ്സങ്ങളും…

ടൊറന്റോയിലെ സ്കാർബറോ ടൗൺ സെന്ററിൽ ഇന്ന് ഉച്ചയ്ക്ക് നടന്ന വെടിവെയ്പ്പിൽ ഒരാൾ കൊല്ലപ്പെട്ടു. 20 വയസിനടുത്ത് പ്രായമുള്ള ഒരു യുവാവാണ് മാളിന്റെ താഴത്തെ നിലയിലുള്ള ഫാമിലി വാഷ്റൂമിൽ വെടിയേറ്റ് മരിച്ച നിലയിൽ കണ്ടെത്തിയത്. ഉച്ചതിരിഞ്ഞ് ഏകദേശം രണ്ട് മണിയോടെയാണ് സംഭവം സംബന്ധിച്ച് പൊലീസിന് വിവരം ലഭിക്കുന്നത്. സംഭവസ്ഥലത്ത് ഒരു തോക്കും കണ്ടെടുത്തിട്ടുണ്ട്. ടൊറന്റോ പോലീസ് സംഭവസ്ഥലത്തെ CCTV ക്യാമറ ദൃശ്യങ്ങൾ പരിശോധിച്ച ശേഷം മാൾ സുരക്ഷിതമാണെന്ന് ഉറപ്പാക്കി, സംഭവം നടന്ന പ്രദേശം മാത്രം വേർതിരിച്ച് അന്വേഷണം തുടരുകയാണ്. ഇതുവരെ സംശയിക്കപ്പെടുന്നവരെക്കുറിച്ചോ ആക്രമണത്തിന്റെ ഉദ്ദേശ്യത്തെക്കുറിച്ചോ വ്യക്തമായ വിവരങ്ങൾ പുറത്തുവിട്ടിട്ടില്ല. സ്കാർബറോ ടൗൺ സെന്റർ, ടൊറന്റോയുടെ കിഴക്കൻ ഭാഗത്തെ ഏറ്റവും വലിയ ഷോപ്പിംഗ് ഡെസ്റ്റിനേഷനുകളിൽ ഒന്നാണ്, ഒപ്പം ദിവസേന ആയിരക്കണക്കിന് സന്ദർശകർ എത്തുന്ന ഒരു പ്രധാന കേന്ദ്രവുമാണ്. ഈ സംഭവം പ്രദേശവാസികളിലും ഷോപ്പിംഗ് മാളിലെ സന്ദർശകരിലും ആശങ്കയുണ്ടാക്കിയിട്ടുണ്ട്. സ്കാർബറോ ടൗൺ സെന്ററിന്റെ ഔദ്യോഗിക വെബ്സൈറ്റ് പ്രകാരം, മാൾ സാധാരണ പ്രവർത്തനം തുടരുന്നുണ്ടെങ്കിലും, സംഭവസ്ഥലത്തിന്റെ ചുറ്റുമുള്ള…

ഡബ്ലിന്‍, അയർലൻഡ്: ആര്‍ച്ച് ബിഷപ്പ് ഡെര്‍മോട് ഫാറെല്‍ നഗരത്തിലെ ഇന്ത്യന്‍ സമൂഹത്തിനെതിരായ ആക്രമണങ്ങളെ ശക്തമായി അപലപിച്ചു. കഴിഞ്ഞ ദിവസങ്ങളില്‍ നടന്ന നിരുദ്ദേശമായ ആക്രമണങ്ങള്‍, കുട്ടികൾ ഉൾപ്പടെ നിരവധി പേരെ ബാധിച്ചതായും, ഇവര്‍ വംശീയതയുടെ പേരില്‍ ലക്ഷ്യമാക്കപ്പെട്ടതില്‍ അതീവ ഞെട്ടലുണ്ടെന്നും ആര്‍ച്ച് ബിഷപ്പ് പ്രസ്താവനയില്‍ പറഞ്ഞു. ഡബ്ലിനിലെ ഇന്ത്യന്‍ സമൂഹം ആരോഗ്യരംഗം ഉള്‍പ്പെടെ വിവിധ മേഖലയിലായി നിര്‍ണായക സേവനം അനുഷ്ഠിക്കുന്നവരാണ്. അവരുടെ സംഭാവനകള്‍ ഇല്ലാതെ സമൂഹത്തിന്റെ നിരവധി ആവശ്യങ്ങള്‍ നിറവേറ്റാനാവില്ലെന്നും അദ്ദേഹം വ്യക്തമാക്കി. ഇന്ത്യക്കാരുടെ സാംസ്‌കാരിക വൈവിധ്യം ഡബ്ലിനിലെ സാമൂഹികജീവിതത്തെ സമ്പന്നമാക്കുന്നതായും, സഭാ-പള്ളികളിലെ സാന്നിധ്യം കൂടുതല്‍ ശക്തമാകുന്നുവെന്നും പ്രസ്താവനയില്‍ ചൂണ്ടിക്കാട്ടി. “ജാതീയ വിദ്വേഷം പ്രചരിപ്പിക്കുന്നവരെ സമൂഹം നേരത്തെ തിരിച്ചറിയണം. സമൂഹത്തെ വിഭജിക്കാന്‍ ശ്രമിക്കുന്നവരെ പ്രതിരോധിക്കേണ്ട സമയം ഇതാണ്” – ആര്‍ച്ച് ബിഷപ്പ് ഡെര്‍മോട് ഫാറെല്‍ പള്ളികളും സ്‌കൂളുകളും ഇന്ത്യന്‍ കുടുംബങ്ങളെ നേരത്തെ തന്നെ സ്വാഗതം ചെയ്തിട്ടുണ്ടെന്നും, അയല്‍ക്കാരുമായുള്ള ഐക്യം കൂടുതല്‍ ശക്തിപ്പെടുത്തണമെന്ന് അദ്ദേഹം വിശ്വാസികളെ ആഹ്വാനം ചെയ്തു.

ടൊറോന്റോ: ഒന്റാറിയോ ലോട്ടറി ആൻഡ് ഗെയ്മിംഗ് കോർപറേഷൻ (OLG) അവരുടെ 50-ാം വാർഷികാഘോഷത്തിന്റെ ഭാഗമായി ഒന്റാറിയോയിലെ എല്ലാ പ്രായപൂർത്തിയായവർക്കും ഒരു മില്യൺ ഡോളർ നേടാനുള്ള അവസരം നൽകുന്ന സൗജന്യ മത്സരമായ Welcome to Wintario Contest ആരംഭിച്ചു. മത്സരത്തിന്റെ വിശദാംശങ്ങൾ OLGയുടെ ഔദ്യോഗിക വെബ്സൈറ്റിൽ കൊടുത്തിട്ടുള്ള വിവരങ്ങൾ പ്രകാരം, മത്സരത്തിൽ ഒരു ഗ്രാൻഡ് സമ്മാനമായി 1 മില്യൺ ഡോളറും കൂടാതെ 50 രണ്ടാം സമ്മാനങ്ങൾ – ഓരോന്നും 1,000 ഡോളർ വീതം – ലഭ്യമാണ്. മത്സരത്തിൽ പങ്കെടുക്കാൻ, ഒന്റാരിയോകർക്ക് Winner’s Edge അക്കൗണ്ട് തുറക്കുകയോ നിലവിലുള്ള അക്കൗണ്ടിൽ ലോഗിൻ ചെയ്യുകയോ വേണം. ഒരു വ്യക്തിക്ക് ഒരു എൻട്രിയും ഒരു സമ്മാനവുമാണ് പരമാവധി അനുവദനീയം. യോഗ്യത മത്സരകാലാവധി ഈ മത്സരം 2025 ഓഗസ്റ്റ് 18 മുതൽ ഒക്ടോബർ 19 വരെ തുടരും. ഒന്റാറിയോയിൽ Problem Gambling Helpline (ConnexOntario – 1-866-531-2600) എന്ന സൗജന്യ സേവനം 24 മണിക്കൂറും ലഭ്യമാണ്. കൂടാതെ ConnexOntario.ca…

ഓട്ടാവാ, കാനഡ: കാനഡയിലെ ഇൻഫ്ലേഷൻ നിരക്ക് ജൂലൈയിൽ 1.7 ശതമാനമായി താഴ്ന്നു, ജൂണിലെ 1.9 ശതമാനത്തിൽ നിന്ന് കുറവായി. ഉപഭോക്തൃ കാർബൺ നികുതി ഒഴിവാക്കിയതിന് ശേഷം ഗ്യാസോലിൻ വില കുറഞ്ഞത് ഇതിന് പ്രധാന കാരണമായി സ്റ്റാറ്റിസ്റ്റിക്സ് കാനഡ ചൊവ്വാഴ്ച അറിയിച്ചു. ഗ്യാസോലിൻ ഒഴിവാക്കിയാൽ, ഉപഭോക്തൃ വില സൂചിക (CPI) ജൂലൈയിൽ 2.5 ശതമാനം ഉയർന്നു, ഇത് മേയ്, ജൂൺ മാസങ്ങളിലെ വർധനയുമായി താരതമ്യം ചെയ്യുമ്പോൾ ഒരുപോലെയാണ്. അതുപോലെ പരോക്ഷ (indirect) നികുതി ഒഴിവാക്കിയാൽ ഇൻഫ്ലേഷൻ ജൂലൈയിൽ 2.3 ശതമാനം ആയിരുന്നു, ഇതു ജൂണിലെ 2.5 ശതമാനത്തിൽ നിന്ന് കുറവാണ്. അതേസമയം, ബാങ്ക് ഓഫ് കാനഡ ധനനയ തീരുമാനങ്ങളിൽ പ്രധാനമായി പരിഗണിക്കുന്ന കോർ ഇൻഫ്ലേഷൻ ഏകദേശം 3 ശതമാനത്തിൽ സ്ഥിരമായി തുടരുന്നു.

അൽബർട്ട, കാനഡ: കൺസർവേറ്റീവ് പാർട്ടി നേതാവ് പിയർ പൊലിയേവ്, അൽബർട്ടയിലെ Battle River–Crowfoot മണ്ഡലത്തിൽ നടന്ന ബൈഇലക്ഷനിൽ വൻ ഭൂരിപക്ഷത്തോടെ വിജയിച്ച് ഹൗസ് ഓഫ് കോമൺസിൽ വീണ്ടും സീറ്റ് സ്വന്തമാക്കി. വോട്ടെണ്ണൽ തുടങ്ങി അധികം താമസിയാതെ തന്നെ വോട്ടുകളുടെ മൂന്നിലൊന്നിലേറെ (80 ശതമാനത്തിൽ അധികം) നേടി പൊലിയേവ് മുന്നിലെത്തിയിരുന്നു. തുടർന്ന് വന്ന അന്തിമഫലങ്ങളിൽ അദ്ദേഹം വിജയം ഉറപ്പിച്ചു. “ഈ മേഖലയിലെ ജനങ്ങളെ പരിചയപ്പെടാനും അവരുടെ ജീവിതവുമായി ബന്ധപ്പെടാനും കഴിഞ്ഞത് എന്റെ ജീവിതത്തിലെ വലിയൊരു നേട്ടമാണ്.” – പൊലിയേവ് Battle River–Crowfoot മണ്ഡലം ദീർഘകാലമായി കൺസർവേറ്റീവ് പാർട്ടിയുടെ ശക്തികേന്ദ്രം ആണ്. പിയർ പൊലിയേവ് പൊതു തിരഞ്ഞെടുപ്പിൽ പരാജയപ്പെട്ടതിനെ തുടർന്നു ബൈഇലക്ഷൻ നടത്തുന്നതിന് വേണ്ടി മുൻ എം.പി. ഡാമിയൻ ക്യൂറെക് തന്റെ എം പി സ്ഥാനം രാജിവെച്ചൊഴിയുകയായിരുന്നു.

മിസ്സിസ്സാഗ, ഒന്റാറിയോ: കാനഡയിലെ മിസ്സിസ്സാഗ നഗരത്തിലെ പ്രമുഖ പ്ലാസയിൽ പൊതുസുരക്ഷ ഉറപ്പാക്കാനും അനധികൃത ഒത്തുചേരലുകൾ തടയാനും, സിറ്റി അധികൃതർ നിയമനടപടികൾ ആരംഭിച്ചു. റിഡ്ജ്‌വേ പ്ലാസയിൽ കഴിഞ്ഞ രണ്ട് വർഷമായി ആവർത്തിച്ച് നടക്കുന്ന തെരുവ് റേസിംഗ്, വെടിക്കെട്ട്, ഉച്ചത്തിലുള്ള സംഗീതം, കയ്യാങ്കളി എന്നിവ നിയന്ത്രിക്കുന്നതിനാണ് ഈ നടപടി. സിറ്റിയുടെ അപേക്ഷ പ്രകാരം 2025 ഓഗസ്റ്റ് 13-ന്, ഒന്റാറിയോ സുപ്പീരിയർ കോടതിയിലെ ജസ്റ്റിസ് ഡോയ് താൽക്കാലിക ഇൻജങ്ഷൻ ഓർഡർ പുറപ്പെടുവിച്ചു. ഉത്തരവ് പ്രകാരം, പ്ലാസയുടെ കോണ്ടോമിനിയം കോർപ്പറേഷനുകൾ ജനക്കൂട്ടം തടയാൻ വേണ്ട നടപടികൾ സ്വീകരിക്കണം. പാർക്കിംഗ് ഗേറ്റുകൾ, സുരക്ഷാ ഉദ്യോഗസ്ഥർ, പോലീസ് സേവനങ്ങൾ എന്നിവ ഉയോഗപ്പെടുത്തി വാഹന, കാൽനട ഗതാഗതം നിയന്ത്രിക്കണമെന്നും കോടതി നിർദേശിച്ചു. പ്രധാന നടപടികൾനിയന്ത്രണ തീയതികൾ: ഓഗസ്റ്റ് 13 മുതൽ 15 വരെയും, ഓഗസ്റ്റ് 19 മുതൽ 20 വരെയും (ഉച്ചയ്ക്ക് 12 മുതൽ പുലർച്ചെ 2 വരെ). ഇവ പാകിസ്ഥാന്റെയും അഫ്ഗാനിസ്ഥാന്റെയും സ്വാതന്ത്ര്യദിനാഘോഷങ്ങളുമായി ബന്ധപ്പെട്ട ദിവസങ്ങളാണ്. ഉത്തരവ് നടപ്പിലാക്കൽ ചുമതല…