അമേരിക്കൻ പ്രസിഡന്റായ ഡോണൾഡ് ട്രംപ് കാനഡയ്ക്കും മെക്സിക്കോയ്ക്കും നേരെ പ്രഖ്യാപിച്ച 25% ടാരിഫ് ഒരു ഒരുമാസത്തേക്ക് നിർത്തിവച്ചതിനെ തുടർന്ന് ഒന്റാരിയോ പ്രീമിയർ ഡഗ് ഫോർഡ് പ്രൊവിൻസിന്റെ പ്രതികാര നടപടികൾ താൽക്കാലികമായി നിർത്തിവയ്ക്കുമെന്ന് പ്രഖ്യാപിച്ചു. ഇതിൽ, അമേരിക്കൻ മദ്യം ഒന്റാരിയോയിലെ LCBO ഷെൽഫുകളിൽ നിന്ന് നീക്കാനുള്ള തീരുമാനവും പുനഃപരിശോധിക്കപ്പെട്ടു. കൂടാതെ, എലോൺ മസ്കിന്റെ സ്റ്റാർലിങ്ക് പദ്ധതിയുമായി ബന്ധപ്പെട്ട കരാറുകൾ റദ്ദാക്കാനുള്ള നീക്കവും മരവിപ്പിച്ചു.
ട്രംപും കനേഡിയൻ പ്രധാനമന്ത്രി ജസ്റ്റിൻ ട്രൂഡോയും നടത്തിയ ചർച്ച പ്രശ്നത്തിന് താത്കാലിക പരിഹാരമാകുമെങ്കിലും, വ്യാപാര സംഘർഷത്തിന്റെ ഭീഷണി ഇപ്പോഴും നിലനിൽക്കുന്നു.
