സാൻ ഫ്രാൻസിസ്കോ — 2021 ജനുവരി 6-ന് യു.എസ്. കാപിറ്റോളിൽ നടന്ന ആക്രമണത്തെ തുടർന്ന് മുൻ പ്രസിഡന്റ് ഡോണൽഡ് ജെ. ട്രംപിന്റെ ചാനൽ സസ്പെൻഡ് ചെയ്തതിനെതിരെ യൂട്യൂബിനും അതിന്റെ മാതൃ കമ്പനിയായ ആൽഫപെറ്റിനും എതിരെ അദ്ദേഹം നൽകിയ ഒരു കേസ് ഒത്തുതീർപ്പാക്കാൻ 24.5 മില്യൺ ഡോളർ നൽകാൻ കമ്പനി സമ്മതിച്ചു. 2025 സെപ്റ്റംബർ 29-ന് കോടതി ഫയലിംഗുകളിൽ വെളിപ്പെടുത്തിയ ഈ കരാർ, പ്രമുഖ ടെക്നോളജി കമ്പനികൾക്കെതിരെ 2021 ജൂലൈയിൽ ട്രംപ് നൽകിയ നിരവധി കേസുകളിലൊന്ന് മാത്രമാണ്.
കോടതി ഫയലിംഗുകളിൽ വിവരിച്ചിരിക്കുന്ന വ്യവസ്ഥകൾ പ്രകാരം, 22 മില്യൺ ഡോളർ ട്രംപിന്റെ പേര് വഴി ട്രസ്റ്റ് ഫോർ ദി നാഷണൽ മാളിന് നൽകും — ഈ ഫണ്ട് വൈറ്റ് ഹൗസ് സ്റ്റേറ്റ് ബോൾറൂമിന്റെ നിർമാണത്തിന് സഹായിക്കാൻ ഉപയോഗിക്കുമെന്ന് ഫയലിംഗ് വ്യക്തമാക്കുന്നു. ബാക്കി ഏകദേശം 2.5 മില്യൺ ഡോളർ അമേരിക്കൻ കൺസർവേറ്റീവ് യൂണിയനും എഴുത്തുകാരി നവോമി വുൾഫ് ഉൾപ്പെടെയുള്ള മറ്റ് പരാതിക്കാർക്ക് വീതിച്ചു നൽകും. എന്നാൽ, ഈ കരാറിന്റെ ഭാഗമായി യൂട്യൂബും ആൽഫബെറ്റും കുറ്റസമ്മതം നടത്തിയിട്ടില്ല.
ജനുവരി 6-ന് ശേഷമുള്ള ദിവസങ്ങളിൽ യൂട്യൂബ് തന്റെ ചാനൽ സസ്പെൻഡ് ചെയ്ത തീരുമാനത്തിനെതിരെയാണ് ട്രംപിന്റെ പരാതി, പ്ലാറ്റ്ഫോം തന്റെ ശബ്ദം അന്യായമായി നീക്കം ചെയ്യുകയും കൺസർവേറ്റീവ് വീക്ഷണങ്ങളോട് വിവേചനം കാണിക്കുകയും ചെയ്തുവെന്ന് ട്രംപ് വാദിച്ചു. 2023-ൽ യൂട്യൂബ് ട്രംപിന്റെ അക്കൗണ്ട് പുനഃസ്ഥാപിച്ചു; ഈ കരാർ ദീർഘകാലം നീണ്ടുനിന്ന ഫെഡറൽ നിയമനടപടികൾക്ക് അന്ത്യം കുറിക്കും.
ഈ പേയ്മെന്റ്, 2021-ന് ശേഷമുള്ള അക്കൗണ്ട് നിരോധനങ്ങളുമായി ബന്ധപ്പെട്ട് ട്രംപ് നൽകിയ കേസുകൾ പരിഹരിക്കുന്ന അവസാനത്തെതിന് ധാരണയായി ഏറ്റവും അവസാനത്തെ സോഷ്യൽ മീഡിയ പ്ലാറ്റ്ഫോം ആണ് യുട്യൂബിന്റെ മാതൃകമ്പനിയായ ആൽഫബെറ്റ്. 2025-ന്റെ തുടക്കത്തിൽ, മെറ്റ 25 മില്യൺ ഡോളറിന്റെ ഒരു കരാറിന് ധാരണയായിരുന്നു. X (മുമ്പ് ട്വിറ്റർ) 10 മില്യൺ ഡോളറിന്റെ ഒരു ഒത്തുതീർപ്പ് കരാറിൽ എത്തിയിരുന്നു. ട്രംപ് നൽകിയ സമാന കേസുകളിൽ. യു.എസ്. നിയമപ്രകാരം സ്വകാര്യ പ്ലാറ്റ്ഫോമുകൾക്ക് അവരുടെ നിയമങ്ങൾ നടപ്പിലാക്കാൻ വിശാലമായ അവകാശങ്ങൾ ഉണ്ടെന്നതിനാൽ, ഇത്തരം കേസുകളുടെ വിജയത്തിൽ നിയമ വിദഗ്ധർ തുടക്കത്തിൽ സംശയം പ്രകടിപ്പിച്ചിരുന്നു.
ഈ കരാർ മൂലം കമ്പനി അതിന്റെ ഉള്ളടക്ക നിയന്ത്രണ (മോഡറേഷൻ) നയങ്ങളോ ഉൽപ്പന്നങ്ങളോ മാറ്റില്ലെന്നാണ് കോടതി ഫയലിംഗുകളിൽ യൂട്യൂബ് പറഞ്ഞത്. ഈ പേയ്മെന്റിനെ കമ്പനി ഒരു ബിസിനസ് പരിഹാരമായാണ് കാണുന്നതെന്നും ബാധ്യത സമ്മതിക്കലല്ലെന്നും ഫയലിംഗ് സൂചിപ്പിക്കുന്നു. ട്രംപിന്റെയും യൂട്യൂബിന്റെയും പ്രതിനിധികൾ തിങ്കളാഴ്ച ഫയൽ ചെയ്ത കോടതി രേഖകൾ സംബന്ധിച്ച് കൂടുതൽ അഭിപ്രായം പറയാൻ വിസമ്മതിച്ചു.
എന്താണ് ഇത്തരം കരാറുകളുടെ പ്രാധാന്യം?
വലിയ സോഷ്യൽ മീഡിയ പ്ലാറ്റ്ഫോമുകളും രാഷ്ട്രീയ വ്യക്തിത്വങ്ങളും തമ്മിലുള്ള ഉള്ളടക്ക നിയന്ത്രണത്തെ ചൊല്ലിയുള്ള വർദ്ധിച്ചുവരുന്ന പിരിമുറുക്കങ്ങളെ എടുത്തുകാണിക്കുന്നു. കൂടാതെ നിയമനടപടികൾ എങ്ങനെ ഉപയോഗിക്കപ്പെടുന്നു — പരിഹരിക്കപ്പെടുന്നു — എന്നത് രാഷ്ട്രീയ, മാനനഷ്ട കേസുകളുടെ പുതു പ്രവണതകളെ അടിവരയിടുന്നു. വ്യക്തിഗത മാനദണ്ഡങ്ങൾ പ്രകാരം തുക വലുതാണെങ്കിലും, ആൽഫബെറ്റ് പോലുള്ള കമ്പനികൾക്ക് ഈ തുകകൾ താരതമ്യേന തുച്ഛമാണ്. എങ്കിലും മെറ്റ, X, യൂട്യൂബ് എന്നീ സോഷ്യൽ മീഡിയ പ്ലാറ്റ്ഫോമുകൾക്ക് ഇത്തരം കരാറുകളിൽ ഏർപ്പെടേണ്ടി വന്നത്, ജനുവരി 6-ന് (ട്രംപിന്റെ രണ്ടാം വരവിന്) ശേഷമുള്ള കാലത്ത് തർക്കങ്ങൾ എങ്ങനെ പരിഹരിക്കപ്പെടുന്നു എന്നതിന്റെ സൂചന കൂടിയാണ്.
