ഓട്ടാവാ: കാനഡ ഇമ്മിഗ്രേഷൻ, റഫ്യൂജീസ് ആൻഡ് സിറ്റിസൺഷിപ്പ് (IRCC) പുറത്തിറക്കിയ പുതിയ മാർഗ്ഗനിർദേശമനുസരിച്ച്, അതിർത്തി സുരക്ഷാ ഉദ്യോഗസ്ഥർക്ക് (Border Guards) ഇനി മുതൽ താത്കാലിക വിസ റദ്ദാക്കാനുള്ള അധികാരവും ലഭിക്കും. ഇതുവരെ, അനുവദിച്ചിരിക്കുന്ന കാലയളവിൽ കൂടുതൽ ആരെങ്കിലും കാനഡയിൽ താമസിക്കുമെന്ന് സംശയമുണ്ടെങ്കിൽ, അതിർത്തി ഉദ്യോഗസ്ഥർ പ്രവേശനം നിരസിക്കാമായിരുന്നു. ഇപ്പോഴത്തെ മാറ്റം അത് നിയമത്തിൽ കൂടുതൽ വ്യക്തമാക്കുകയും വിസ റദ്ദാക്കാനുള്ള അവകാശം ഉറപ്പാക്കുകയും ചെയ്യുന്നു.
എപ്പോൾ വിസ റദ്ദാക്കാം?
പുതിയ നിയമപ്രകാരം, താത്കാലിക വിസ (Temporary Resident Visa) താഴെപ്പറയുന്ന സാഹചര്യങ്ങളിൽ റദ്ദാക്കാം:
• യാത്രക്കാരൻ വിസ കാലാവധി അവസാനിക്കേണ്ട സമയത്തിനു ശേഷം രാജ്യത്ത് തുടരാൻ സാധ്യതയുണ്ടെന്ന് ഉദ്യോഗസ്ഥർ വിശ്വസിച്ചാൽ.
• കാനഡയിലെ കുടിയേറ്റ നിയമങ്ങൾ പ്രകാരം പ്രവേശനയോഗ്യമല്ല എന്ന് കണ്ടെത്തിയാൽ.
• വിസ നഷ്ടപ്പെട്ടാൽ, കവർച്ചചെയ്യപ്പെട്ടാൽ, നശിപ്പിച്ചാൽ, ഉപേക്ഷിച്ചാൽ.
• വിസയുടമ സ്ഥിരതാമസം (Permanent Residency) നേടുകയോ, മരണമടയുകയോ ചെയ്താൽ.
• വിസ തെറ്റായ കാരണങ്ങൾ മൂലം നൽകി എന്നതിനാൽ റദ്ദാക്കേണ്ടതായാൽ.
എന്തിന് ഈ മാറ്റം?
മുൻപ്, അതിർത്തി ഉദ്യോഗസ്ഥർക്ക് വിസയുള്ളവരെ കാനഡയിൽ നിന്ന് തിരികെ അയയ്ക്കാമായിരുന്നുവെങ്കിലും, ഇപ്പോൾ അത്അ കൂടുതൽ വ്യക്തമാക്കുകയും അവർക്ക് വിസ തന്നെ റദ്ദാക്കാനുള്ള അധികാരവും ഉറപ്പാക്കിയിരിക്കുന്നു.
ഇമ്മിഗ്രേഷൻ മന്ത്രി മാർക് മില്ലറുടെ ഓഫിസിൽ നിന്നുള്ള ഉദ്യോഗസ്ഥർ പറയുന്നത്, താത്ക്കാലിക വിസയുടെ എണ്ണം കുറയ്ക്കാൻ ശ്രമിക്കുന്നതിന്റെ ഭാഗമായാണ് ഈ നടപടികൾ. ചിലയിടങ്ങളിൽ, ഒരു പ്രവാസി തൊഴിലാളിക്ക് വർക്ക് വിസ ലഭിച്ച ശേഷം അവൻ സ്ഥിരതാമസം നേടുകയോ, കാനഡയിലെ കുടിയേറ്റ സ്ഥിതിയിൽ മാറ്റം വരികയോ ചെയ്താൽ, വിസ ഇപ്പോഴും സജീവമെന്നായി കണക്കാക്കപ്പെടുന്നു. അതിനാൽ, വിസയുടെ കൃത്യമായ കണക്കുകൾ സൂക്ഷിക്കാനാണ് ഈ മാറ്റം.
കാനഡയുടെ പുതിയ കുടിയേറ്റ നയം
ഇത് കാനഡയുടെ ദീർഘകാല കുടിയേറ്റ പദ്ധതിയുമായി ബന്ധപ്പെട്ടതാണ്. അടുത്ത രണ്ടുവർഷത്തിനുള്ളിൽ താത്കാലിക വിസകളുടെ എണ്ണം കുറയ്ക്കാനും, അനാവശ്യ വിസകൾ ഒഴിവാക്കി കൃത്യമായ രേഖകൾ സൂക്ഷിക്കാനുമാണ് സർക്കാർ ശ്രമിക്കുന്നത്.
ഈ പുതിയ മാർഗ്ഗനിർദ്ദേശം കാനഡയിലെ അതിർത്തി നിയന്ത്രണം ശക്തിപ്പെടുത്തുന്നതിനും വിസകളും കുടിയേറ്റ നയങ്ങളും കൂടുതൽ കാര്യക്ഷമമാക്കുന്നതിനും സഹായിക്കുമെന്ന് അധികൃതർ അറിയിച്ചു.
