വാഷിംഗ്ടൺ/ഒട്ടാവ: ലോക നേതാക്കളുടെ സമിതിയായി അമേരിക്ക വിഭാവനം ചെയ്യുന്ന ‘ബോർഡ് ഓഫ് പീസ്’ (Board of Peace)-ലേക്കുള്ള കാനഡയ്ക്കുണ്ടായിരുന്ന ക്ഷണം പിൻവലിച്ചതായി പ്രസിഡന്റ് ഡൊണാൾഡ് ട്രംപ് അറിയിച്ചു. ട്രൂത്ത് സോഷ്യലിലൂടെ (Truth Social) പ്രധാനമന്ത്രി മാർക്ക് കാർണിക്ക് അയച്ച കത്തിലാണ് ട്രംപ് ഇക്കാര്യം വെളിപ്പെടുത്തിയത്. ലോകത്തെ ഏറ്റവും പ്രഗത്ഭരായ നേതാക്കൾ അണിനിരക്കുന്ന ഈ സമിതിയിൽ കാനഡയെ ഉൾപ്പെടുത്തേണ്ടതില്ലെന്നാണ് ട്രംപിന്റെ തീരുമാനം.
വേൾഡ് ഇക്കണോമിക് ഫോറത്തിൽ മാർക്ക് കാർണി രാഷ്ട്രീയ പ്രസ്താവനകൾ (Political noise) നടത്തുകയാണെന്ന് യുഎസ് കൊമേഴ്സ് സെക്രട്ടറി ഹോവാർഡ് ലുട്നിക് കുറ്റപ്പെടുത്തി. കാനഡ വെറും വാക്കുകളല്ല, പ്രവൃത്തിയാണ് കാണിക്കേണ്ടതെന്ന് പ്രതിപക്ഷ നേതാവ് പിയർ പൊളിയവ് പ്രതികരിച്ചു.
