Author: Dr. Anu Shobha Jose

“എന്നാലും… നീ എന്തിനാ ആ താക്കോലെടുത്ത് ടേബിളിൽ വെച്ചത് ? താക്കോൽ വെക്കേണ്ട സ്ഥാനം നിനക്ക് ഇതുവരെ അറിയത്തില്ലേ?” ഇങ്ങനെയുള്ള ഒരു ഡസൻ ചോദ്യങ്ങൾ ദിവസവും വിജയകരമായി നേരിടുന്ന മറിയാമ്മ ചേച്ചി ഇത്തവണ ഈ ചോദ്യത്തെയും ചോദ്യകർത്താവായ ഭർത്താവിനെയും വെറുതെ വിട്ടില്ല. അവർ പ്രതികരിച്ചു… ഗംഭീരമായിത്തന്നെ പ്രതികരിച്ചു…  പതിവില്ലാത്ത പ്രതികരണം പെട്ടെന്ന് പൊട്ടിപ്പുറപ്പെട്ടതിൻ്റെ കാരണം  മറ്റൊന്നുമല്ല… ചേച്ചിക്ക് വിഷാദ ഉന്മാദരോഗത്തിൻ്റെ പ്രശ്നമുണ്ട്.  കടുത്ത സമ്മർദ്ദങ്ങൾ വരുമ്പോൾ ചേച്ചിയുടെ നിയന്ത്രണം വിട്ടു പോകും. വീടുപണിയും അതിൻ്റെ തിരക്കും ഉറക്കമില്ലായ്മയും എല്ലാം ഒത്തുചേർന്നപ്പോൾ  പഴയ അസുഖം പതിയെയൊന്നു തലപൊക്കിയതാണ്. ആദ്യം ഭർത്താവിനോട് തോന്നിയ ദേഷ്യം പിന്നെ മുന്നിൽക്കാണുന്ന പലരോടുമായി.  ഉറക്കമിലായ്മ, തുടരെ വർത്തമാനം പറയൽ,  അമിതഭക്തി തുടങ്ങിയ പ്രശ്നങ്ങളുമുണ്ട്. പിന്നെയത് ആശുപത്രി തന്നെ മറിച്ചു വെക്കാനുള്ള ദേഷ്യമായി. എന്നാലും ആള് ഉള്ളുകൊണ്ട് ശുദ്ധയാണ്. എത്ര ദേഷ്യപ്പെട്ടാലും കൃത്യമായി മരുന്നു കഴിക്കും. കുറച്ചുദിവസം മരുന്നുകൾ കഴിച്ചപ്പോഴേക്കും ആൾ ഏതാണ്ട് സാധാരണ നിലയിലെത്തി. പഴയ സംസാരവും സ്നേഹപ്രകൃതിയും തിരിച്ചു വന്നു. ചേടത്തിയുടെ ചേട്ടന്…

ഒരു വിഷയത്തിൻ്റെ എല്ലാ തലങ്ങളെപ്പറ്റിയും സമഗ്രമായി പഠിച്ചും മനസ്സിലാക്കിയും മാത്രമേ ആ വിഷയത്തെക്കുറിച്ച് ഒരു അഭിപ്രായത്തിൽ എത്തിച്ചേരാവൂ എന്നതാണ് ശരിയായ രീതിയെന്നത് എല്ലാവരും അംഗീകരിക്കുന്ന കാര്യമാണ്. എന്നാൽ ഇങ്ങനെ ചിന്തിക്കാൻ സമയവും എനർജിയും ഏറെ ചിലവാക്കേണ്ടി വരുമെന്നതിനാൽ തീരുമാനങ്ങൾ എടുക്കുന്നിടത്ത് നമ്മൾ ചില എളുപ്പവഴികൾ സ്വീകരിക്കാറുണ്ട്. Cognitive bias – കൾ എന്നാണ് ഇതിനെ വിളിക്കുന്നത്. അത്തരം bias – കളിൽ ഒന്നാണ് Halo effect. ഉദാഹരണത്തിന് ഒരു കമ്പനിയുടെ ഏതെങ്കിലുമൊരു ഉത്പന്നം മികച്ചതെങ്കിൽ ആ കമ്പനിയുടെ എല്ലാ ഉത്പന്നങ്ങളും മികച്ച നിലവാരമുള്ളതായിരിക്കുമെന്ന ചിന്ത നമുക്ക് വരാം. ഏതെങ്കിലും വിഷയത്തിലുള്ള അവഗാഹം കൊണ്ടോ മറ്റെന്തെങ്കിലും പ്രത്യേകതകൾക്കൊണ്ടോ പദവികൾക്കൊണ്ടോ അപാരമായ കോൺഫിഡൻസ് ലെവൽ കൊണ്ടോ ഒരിക്കൽ നമുക്ക് ബഹുമാനവും വിശ്വാസവും ഏറെ തോന്നിയ ഒരാൾ, പിന്നീട് എന്ത് അബദ്ധം പറഞ്ഞാലും അദ്ദേഹമല്ലേ പറയുന്നത്, പറയുന്നതിൽ കാര്യമുണ്ടാകും, അന്ധമായി വിശ്വസിച്ചേക്കാം എന്നൊരു ചിന്ത നമുക്ക് വരാം. തെളിവുകളോ , അനുമാനങ്ങളിൽ എത്തിച്ചേരാൻ ഉപയോഗിച്ച രീതികളോ…

കത്രീനച്ചേച്ചി അത്യാവശ്യം ഭക്തിയും കാര്യങ്ങളുമൊക്കെയുള്ള കൂട്ടത്തിലാണ്. എല്ലാ ഞായറാഴ്ചയും പള്ളിയിൽ പോകുകയും അച്ചൻ പറയുന്ന സാരോപദേശങ്ങൾ ഒരു ചെവിയിൽ കൂടി കേട്ട് മറ്റേ ചെവിയിൽ കൂടി ഇറക്കിവിടുകയും ചെയ്യുമെന്ന ഒരു പ്രശ്നം മാത്രമേയുള്ളു. അല്ലെങ്കിലും നമ്മളെക്കൊണ്ട് നടപ്പാക്കാൻ പറ്റാത്ത കാര്യങ്ങൾ മനസ്സിൽ കൊണ്ടു നടക്കുന്നതു തന്നെ ഒരു ഭാരമല്ലേ? കേൾക്കാതിരിക്കുന്നതാണ് ബുദ്ധി. പക്ഷേ ഒരു ഞായറാഴ്ച അച്ചൻ ഉപദേശമൊന്ന് മാറ്റിപ്പിടിച്ചു. മറ്റുള്ളവരുടെ അഭിപ്രായം കൂടി നമ്മൾ മാനിക്കണമെന്നായിരുന്നു അന്നത്തെ പ്രസംഗത്തിന്റെ കാതൽ. കത്രീനച്ചേച്ചിയുടെ തലച്ചോറിൽ അതു വരെ ഫ്യൂസായിക്കിടന്നിരുന്ന ബൾബ് പെട്ടെന്നൊന്ന് മിന്നി. ശരിയാണല്ലോ. ഇതു വരെ അടുക്കളക്കാര്യവും വീട്ടുകാര്യവും താൻ തന്നെയാണല്ലോ തീരുമാനിച്ചിരുന്നത്. ഇനിയതൊന്ന് മാറ്റി നോക്കിയാലോയെന്ന ആലോചന ചേച്ചിയുടെ മനസ്സിലൊന്നു മിന്നി. തിരിച്ച് വീട്ടിലെത്തിയ ഉടനെ ചേച്ചി ഒരു സമ്മേളനം വിളിച്ച് കുട്ടി. ഭർത്താവും മക്കളുമൊക്കെ ചർച്ചക്ക് എത്തി. ചേച്ചി കാര്യം വിശദീകരിച്ചു. കുടുംബകാര്യങ്ങൾ ഇനി ഡെമോക്രാറ്റിക് രീതിയിലായിരിക്കുമെന്ന് പ്രഖ്യാപിച്ചു. അതുവരെ ആ വീട്ടിൽ സൈലന്റ് മോഡിൽക്കഴിഞ്ഞിരുന്ന കുഞ്ഞുവർക്കി…

അന്നാമ്മച്ചേടത്തിക്ക് അങ്ങനെയിങ്ങനെ പെട്ടെന്നൊന്നും ഒരു അസുഖവും വരത്തില്ല. അതുകൊണ്ടെന്തുപറ്റി? ആശുപത്രിയിൽ കിടക്കാനോ, ആപ്പിളും മുന്തിരിങ്ങയും കഴിക്കാനോ ഉള്ള യോഗമൊന്നും ചേടത്തിക്ക് ഉണ്ടായില്ല. അങ്ങനെ അവസാനം അതു സംഭവിച്ചു. പനിക്കല്ല, തലകറക്കത്തിനാണ് അഡ്മിറ്റായതെന്നു മാത്രം. പതിവ് ആചാരം പോലെ ബന്ധുക്കളും ആപ്പിളും ചേടത്തിയെ കാണാനെത്തി. അസുഖം ഗുരുതരമല്ലായിരുന്നതുകൊണ്ട് പെട്ടെന്ന് തന്നെ ചേടത്തിയെ ഡിസ്ചാർജ് ചെയ്തു വീട്ടിൽ വിട്ടു. ഇനിയാണ് കഥ. ആപ്പിളും ചേടത്തിയുടെ കൂടെ വീട്ടിലേക്ക് തിരിച്ചു.മൊത്തംഅഞ്ച് ആപ്പിളുണ്ട്. നോക്കിയപ്പോൾ ഒരെണ്ണം പകുതിയോളം ചീഞ്ഞിരിക്കുന്നു. ഇന്ന് അതു കഴിക്കാം. നാളെത്തുടങ്ങി നല്ലത് കഴിക്കാമല്ലോ.പിറ്റേദിവസം നോക്കിയപ്പോൾ ബാക്കിയുള്ള നാല് ആപ്പിളിൽ ഒരെണ്ണം ചീഞ്ഞു തുടങ്ങിയിരുന്നു. അങ്ങനെ കളയാൻ പറ്റില്ലല്ലോ. ചീഞ്ഞതു തന്നെ കഴിച്ച് ചേടത്തി തൃപ്തിയടഞ്ഞു.ആപ്പിൾ മുഴുവൻ തീരുന്നതുവരെ ഈ പരിപാടി തുടർന്നു. ആദ്യത്തെ ചീഞ്ഞ ആപ്പിൾ കഴിക്കാതിരുന്നെങ്കിൽ നാല് ദിവസവും നല്ല ആപ്പിൾ കഴിക്കാമായിരുന്നില്ലേയെന്ന് ചില കുബുദ്ധികൾ ചേടത്തിയോട് ചോദിച്ചു. പക്ഷേ അന്നാമ്മചേടത്തിക്ക് മാത്രം ആ ലോജിക് പിടികിട്ടിയില്ല. ഇനിയൊട്ട് പിടി കിട്ടുകയുമില്ല.…

ഈ കാലത്ത് വളരെയധികം പേരുടെ പ്രശ്നമാണ് ഉറക്കമില്ലായ്മ എന്നത്. ടെൻഷൻ മാത്രമാണ് ഉറക്കക്കുറവിൻ്റെ കാരണമെന്ന് ഒരു പൊതുധാരണ നിലവിലുള്ളതുകൊണ്ട് പറയുകയാണ്. ഉറക്കക്കുറവ് ടെൻഷൻ കൊണ്ടുമാത്രമല്ല മറ്റു പല കാരണങ്ങൾക്കൊണ്ടും സംഭവിക്കാം. പക്ഷേ, ഉറക്കക്കുറവിനല്ല ഉറക്കക്കുറവിൻ്റെ കാരണത്തിനാണ് സത്യത്തിൽ ചികിത്സ വേണ്ടത്.  തെറ്റായ ജീവിതചര്യകൾ, ശാരീരിക മാനസിക പ്രശ്നങ്ങൾ, ലഹരി വസ്തുക്കളുടെ ഉപയോഗം ഹോർമോൺ വ്യതിയാനങ്ങൾ, അമിത സമ്മർദ്ദം, ഉറക്കത്തെപ്പറ്റിയുള്ള തെറ്റായ കാഴ്ചപ്പാടുകൾ ജോലിഭാരം, മൊബൈൽ അഡിക്ഷൻ, അങ്ങനെയങ്ങനെയുള്ള നൂറു കൂട്ടം കാരണങ്ങളിൽ ഏതാണ് പ്രശ്നമെന്നു മനസ്സിലാക്കിയാലേ കൃത്യമായ ചികിത്സ സാധിക്കൂ. സുഹൃത്തുക്കളുടെ ഉപദേശം സ്വീകരിച്ച് ഉറങ്ങാൻവേണ്ടി മാത്രം മദ്യത്തെ ആശ്രയിച്ച് കുഴപ്പത്തിലാകുന്നവർ ധാരാളമുണ്ട്. മരുന്നുകളെക്കുറിച്ചുുള്ള അജ്ഞതയും അഡിക്ഷൻ വരുമോയെന്ന ഭയവുമാണ് പലപ്പോഴും ഇതിന് കാരണമായി അവർ പറയുന്നത്. ഒടുക്കം വെളുക്കാൻ തേച്ചത് പാണ്ടാകുന്ന അവസ്ഥ. Sleep Hygiene techniques എല്ലാവർക്കും പരിശീലിക്കാവുന്നതാണ്. (ഇതിൽപ്പറയുന്ന കാര്യങ്ങൾ എല്ലാവർക്കും ഒരേപോലെ ശരിയാകണമെന്നില്ല. ഉദാഹരണത്തിന് വായിച്ചു കൊണ്ടിരിക്കുമ്പോഴോ ടി.വി കണ്ടിരിക്കുമ്പോഴോ ഉറങ്ങിപ്പോകുന്നവരുണ്ട്.) എങ്കിലും ഉറക്കം വന്നാലേ കട്ടിലിലേക്ക് പോകാവൂ എന്നതും…